Ռուսական ВЗГЛЯД թերթի փոխանցմամբ՝ վրացի ընդդիմադիր միլիարդատեր Բիձինա Իվանիշվիլին լրագրողների հետ զրույցում հայտարարել է, որ գոհ է իր շրջապատից՝ ընդգծելով, որ բոլոր որոշումներն ընդունում է անձամբ.
«Ես այն մարդը չեմ, որի վրա կարող են ներգործել։ 10 տարեկանից ես աճում եմ ինքնուրույն, 12 տարեկանից դպրոցական արձակուրդների ժամանակ աշխատել եմ հարևան քաղաքներում։ Ներկայումս ամեն ինչ ընթանում է մեր պլանավորածի պես։ Իմ կայացրած բոլոր որոշումները կանխամտածված են։ Վերջին խոսքը պատկանում է ինձ, ես շատ լավ գիտեմ, թե ինչ է պետք անել։
Ինչ վերաբերում է նրան, որ նախագահ Միխեիլ Սաակաշվիլին վերջին շրջանում կանոնավորապես այցելում է Վրաստանի շրջաններ, ապա դա հիստերիա է։ Երկրում արվում է անհրաժեշտ գործերի միայն 1/10 մասը, և դա Սաակաշվիլիի քաղաքականության արդյունքն է։
Վախենում եմ, որ նա կարող է ևս մեկ անգամ զարմացնել աշխարհին՝ հեռուստատեսության եթերից թմբկահարելով, թե իր արժանիքների շնորհիվ է, որ ցերեկին փոխարինում է գիշերը»։
Հիշեցնենք, որ Forbes-ի տվյալներով՝ Իվանիշվիլիի ունեցվածքը գնահատվում է 5 միլիարդ դոլար։