ԱՄՆ Կալիֆոռնիա նահանգի Ֆրեզնո քաղաքում տեղի է ունցել զանգվածային սպանություն:
Ինչպես հայտնում է Associated Press գործակալությունը, բնակարաններից մեկում հայտնաբերվել է չորս դի, որոնցից երկուսը երեխա են: Եվս մեկ մարդ վիրավոր է և գտնվում է ծայրահեղ ծանր վիճակում:
Ոստիկանները այստեղ են ժամանել այն բանից հետո, երբ հաղորդագրություն են ստացել բնակարաններց մեկում աղմուկի մասին: Տնից ոչ հեռու հայտնաբերվել է տղամարդ` դանակով հասցված վերքերով: Մտնելով բնակարան` ոստիկանները տեսել են մոտ 20 տարեկան կնոջ, տղամարդու, որը հավանաբար 30 տարեկան է, և երկու երեխայի` կես տարեկան և երեք տարեկան, դիեր: Նրանք բոլորը մահացել են ստացված հրազենային վնասվածքներից:
Նախնական տվյալներով՝ կինը ինքնասպանություն է գործել:
KSEE 24 News-ը հաղորդում է, որ կինը ինքնասպանություն է գործել այն բանից հետո, երբ կրակել է իր երեխաների վրա և ծակող վերքեր հասցրել ամուսնուն: Ենթադրվում է, որ նա կրակել է տղամարդու վրա, որի մարմինը հայտնաբերել են բնակարանում: Թե նա ինչ կապ է ունեցել կնոջ հետ՝ հայտնի չէ:
