Իտալական Rai News հեռուստաընկերությունը` հղում անելով փրկարարների տեղեկատվությանը, հաղորդել է, որ Միջերկրական ծովում Costa Concordia նավի խորտակման հետևանքով ավելի քան 69 հոգի անհետ կորած է համարվում:
Հիշեցնենք, որ նավի վրա գտնվում էր 4234 մարդ: Այս պահին փրկարարներին հայտնի է նրանցից միայն 4165–ի ճակատագիրը: Ինչպես հաղորդում է հեռուստաընկերությունը, մահացել է 3, վիրավորվել՝ 50 մարդ:
Պատահարի պատճառները դեռևս հայտնի չեն, սակայն Итар-Тасс գործակալությունը` հիմնվելով իտալական նավահանգիստների կառավարիչ Վիտորիո Ալեսանդրոյի տեղեկատվության վրա, հայտարարել է, որ նավը շեղվել է ուղղությունից և շատ է մոտեցել ափին: Պաշտոնյան չի բացառել, որ խորտակման պատճառ կարող էր հանդիսանալ նավի անսարքությունը:
