Facebook ընկերության նոր ծառայության շնորհիվ օգտատերերը հնարավորություն կունենան իրենց մահվանից հետո վերջին անգամ հաղորդագրություն թողնել իրենց ընկերներին` տեսանյութի կամ գրավոր հաղորդագրության տեսքով:
If I Die անվճար ծառայությունից օգտվելու համար հարկավոր է պատասխանել մեկ հարցի. «Ի՞նչ կթողնեք ձեզնից հետո»: Ըստ Daily Mail-ի՝ սա նշանակում է, որ դուք կարող եք ձեր ընկերներին պատմել ձեր կյանքի պատմությունը, կամ ինչ-որ գաղտնիք, որը ոչ ոք չգիտի, կամ մի բան, որը կարող է զարմացնել ձեր ընկերներին:
Ծառայությունն ավտոմատ կերպով չի տեղադրում «ձեր վերջին բառերը» կայքում, այլ դրա փոխարեն, դուք ընտրում եք երեք հավատարմագրված անձանց՝ կայքի ձեր ընկերների ցանկից, ովքեր հաղորդագրություն կստանան, երբ դուք մահանաք:
Միայն այն դեպքում, եթե ձեր երեք ընկերներն էլ հաստատեն, որ դուք մահացել եք, ձեր վերջին հաղորդագրությունը կհայտնվի կայքում: