ՀՀ Արդարադատության նախարարությունը ծիծաղելի մի հաղորդագրություն է տարածել, որից կարելի է եզրակացնել, որ պետական այդ ատյանում ոչ միայն բժշկությունից որևէ բան չեն հասկանում, այլև իրենց չեն փորձում «նեղություն» տալ` պարզելու, թե մարդն ինչ գանգատների դեպքում է անհրաժեշտություն ունենում ստենտավորման կամ զոնդավորման` (կորոնոգրաֆիա):
Նախարարությունը հայտարարել է, թե «դատապարտյալը քրեակատարողական հիմնարկում գտվելու ընթացքում ստենտավորման է ենթարկվել միայն մեկ անգամ, որից հետո բժիշկների կողմից նշանակվել է հետվիրահատական հետազոտություններ»:
Մենք Արդարադատության նախարարության փոխարեն բժիշկներից հետաքրքրվեցինք, թե ինչ գործողություններ են իրականացվում ստենտավորման և հետազոտության ընթացքում ու պարզվեց, որ զոնդավորման (կորոնոգրաֆիա) և ստենտավորման միջև` որպես վիրահատական միջամտություն, տարբերությունը չնչին է: Ստենտավորման դեպքում օգտագործվում են հավելյալ գործիքներ, որպեսզի ներանոթային պրոթեզը տեղավորվի անոթի մեջ, իսկ զոնդավորման դեպքում կատետորը անցկացվում է սիրտը սնուցող անոթի մեջ և նյութ է ներարկվում, որը տեսանելի է դարձնում այդ անոթը: Այսինքն` տարբերությունը միայն գործիքի առկայությունն ու բացակայությունն են:
Հատուկ ՀՀ արդարադատության նորանշանակ նախարար Հրայր Թովմասյանի համար ընդգծում ենք, որ Սասուն Միքայելյանի տարած վիրահատությունների թիվը շեշտելու ժամանակ անհրաժեշտ է ուշադիր լինել գումարելիներին: Միքայելյանը կալանքի ընթացքում առաջին անգամ դեմքի մասում միանգամից թվով 9 վիրահատության ենթարկվեց Արմենիա բժշկական կենտրոնում, որից հետո 7 անգամ վերը նկարագրված 2 գործողությունները միասին վերցված կիրառվել են Սասուն Միքայելյանի նկատմամբ` սրտի համար` արդեն Նորք-Մարաշ սրտաբանական կենտրոնում: Բժշկական այս բոլոր միջամտությունները հաշվի չառնելով, իրավիճակը ստերով շաղախելը պատիվ չի բերում որևէ չինովնիկի: Այնպես որ հերքում տարածելուց առաջ լավ կլիներ ուսումնասիրել Միքայելյանի առողջական վիճակը` անհարմար դրութան մեջ չհայտնվելու համար:
Սասուն Միքայելյանի գլխավորած «Սասուն» ջոկատի անդամներ