Ավստրալիայի իշխանությունները քննադատել են British and American Tobacco (BAT) ծխախոտային ընկերությանը ծխախոտի տուփերի վրա կենգուրուների պատկերելու համար և սպառնացել դատարանով:
Ինչպես հաղորդում է Reuters գործակալությունը, Ավստրալիայի գլխավոր դատախազ Նիկոլա Ռոքսոնը, որը դեռևս առողջապահության նախարար լինելու տարիներին օրենքով արգելել էր ծխախոտային ընկերություններին ծխախոտի տուփերի վրա որևէ նկար պատկերել, հայտարարել է, որ ծխախոտի տուփերի վրա Ավստրալիայի խորհրդանիշ համարվող կենգուրուի նկարը վրդովեցուցիչ է։
Այդպիսի տուփերով ծխախոտներ են վաճառվում Ֆրանսիայում՝ «Սիրելի ավստրալական» գրությամբ:
Գլխավոր դատախազությունը պահանջել է BAT-ից հանել կենգուրուի պատկերը՝ սպառնալով հակառակ դեպքում դատարան դիմել:
«Ավստրալացիներին դուր չի գալիս, որ մեր խորհրդանիշն օգտագործվում է մահացու ապրանքի վրա»,- ասել է ծխախոտի դեմ պայքարի ավստրալական գործակալության տնօրեն Ֆիոնա Շարկին:
