«ՊՍԺ»-ն ձեռք է բերել կատալոնական «Բարսելոնա»-ի արդեն նախկին պաշտպան Մաքսվելլին: Բրազիլացի ֆուտբոլիստը ֆրանսիայի մայրաքաղաք է տեղափոխվել 3.5 տարի ժամկետով: Ֆրանսիայի առաջնության գործող առաջատարի ղեկավարները հեշտությամբ կարողացան համաձայնության գալ «Բարսելոնա»-ի հետ, քանի որ պաշտպանի` կատալոնական ակումբի հետ պայմանագրի ժամկետը լրանում էր 6 ամսից:
Հունվարի 13-ին Մաքսվելլը կմեկնի Ֆրանսիա, որտեղ բուժզննում կանցնի:
«Ես շատ ուրախ եմ: Հպարտ եմ, որ միացել եմ «ՊՍԺ»-ին: Ակումբն իր առջև լուրջ նպատակներ է դրել, ինչն ինձ շատ է ուրախացնում»,- ֆրանսիական մամուլին տված հարցազրույցում ասել է բրազիլացին:
Լեոնարդոն իր հերթին նշել է.
«Անչելոտտին լավ է ճանաչում Մաքսվելլին և նրան ցանկանում էր իր թիմում տեսնել դեռ այն ժամանակ, երբ աշխատում էր «Միլան»-ում, բայց այդ տրանսֆերն այդպես էլ չկայացավ:
Հիշեցնենք, որ 30-ամյա Մաքսվելլը «Բարսելոնա» է տեղափոխվել «Ինտեր»-ից` 2009 թվականին, և անցկացրած 89 խաղում խփել է 2 գոլ:
