Շիրակ կենտրոնի» կողմից պատրաստած «Բռնության ենթարկված աղջնակը ապրում է աղքատ ընտանիքում» տեսանյութը մի շարք էլեկտրոնային պարբերականներում հրապարակվելուց անմիջապես հետո կազմակերպության գրասենյակ է զանգահարել Եվրոպայում բնակվող մեր հայրենակիցներից մեկը և խնդրել իր ուղարկած գումարով վառելափայտ գնել և տրամադրել տեսանյութում ներկայացվող ընտանիքին:
Ինչպես «Առաջին լրատվական»-ին տեղեկացնում են «Շիրակ կենտրոն» ՀԿ-ից, այսօր անհայտ բարերարի գումարով գնված վառելափայտը և Երևանից «Հանուն Հայաստանի» բարեգործական ՀԿ տրամադրած հագուստը «Շիրակ կենտրոնը» hանձնել է հասցեատիրոջը` անչափահաս երեք երեխա ունեցող ու ավերակ կացարանում բնակվող ընտանիքին:
Անցած երկու ամսում այս անօթևան ընտանիքը թվով 5-րդն էր, որ «Շիրակ կենտրոնի» պատրաստած տեսանյութերի արդյունքում ապահովվել է վառելափայտով:
«Շիրակ կենտրոնի» տեսանյութերի արդյունքում գյումրեցի աղքատ և անօթևան ընտանիքներին անցած երեք ամսում ցուցաբերած ընդհանուր օգնությունը կազմում է ավելի քան 100 000 դոլար, այդ թվում 6 մեկ սենյականոց բնակարաններ, տասնյակ ընտանիքների զգալի քանակությամբ սնունդ, հագուստ, հիգիենիկ պարագաներ, կենցաղային իրեր և դրամական աջակցություն է տրամադրվել:
