Տարածաշրջանում որքան իրավիճակը լարվում է, այնքան Հայաստանի դերը, որպես միջնորդ, միջանցիկ երկիր, մեծանում է: Այս մասին «Առաջին լրատվական»-ի հետ զրույցում, խոսելով 2012թ. Հայաստանի հեռանկարների մասին, ասաց «Սոցիոմետր» անկախ սոցիոլոգիական կենտրոնի ղեկավար Ահարոն Ադիբեկյանը:
Նրա խոսքով`Իրանի միջոցով մենք կարող ենք մեծ գումար աշխատել, նույնը վերաբերում է Ռուսաստան-Վրաստան, Թուրքիա-Ադրբեջան լարվող հարաբերություններին:
«Վրաստանը մեր միջոցով, օրինակ`Ռուսաստանից սարքավորում է գնում: Միջնորդ երկիր լինելով` շատ մարդկանց համար կարող ենք ստեղծել աշխատանքային նպաստավոր պայմաններ»,- նկատեց նա` բնավ պատահական չհամարելով այն, որ Իրանի նախագահն իր պաշտոնական այցերն սկսեց Հայաստանից:
Ա. Ադիբեկյանի կարծիքով` Հայաստանը կոմպլեմենտար քաղաքականություն վարելու շնորհիվ կկարողանա լուրջ հաջողության հասնել:
Ըստ նրա`Հայաստանի համար կարևոր են Չինաստանի հետ կապերը, հնդիկներն են հետաքրքրված Հայաստանի բնական պաշարներով: