Հեռուստալրագրող Արմեն Դուլյանը E էլեկտրոնային պարբերականի (ejournal.am) իր բլոգում գրում է.
Barclays Capital Բրիտանական ինվեստիցիոն բանկը, ուսումնասիրելով վերջին 100 տարվա փորձը, եկել է մի ուշագրավ եզրակացության՝ երկնաքերերի կառուցմանը սովորաբար հետևում են տնտեսական ճգնաժամերն ու անկումը…
Այդպես եղավ Ամերիկայում, երբ Էմփայր սթեյթ բիլդինգի կառուցանը հետևեց Մեծ դեպրեսիան… Այդպես էր նաև Ասիայում, որտեղ երկնաքերերի բումից հետո սկսվեց Ասիական խորը ճգնաժամը…
Ու սա իր բացատրությունն ունի՝ անհարկի լավատեսությունը, էյֆորիան, սեփական կարողությունների գերագնահատումը վատ հետևանքների են հանգեցնում, փաստում են մասնագետները։
Հիմա հիշենք մեր ոչ հեռու անցյալը… Ի՞նչ եղավ Հյուսիսային պողոտայում ու Երևանի այլ վայրերում բարձրահարկերի կառուցումից հետո… Տնտեսությունը սկսեց անկում ապրել, շինարարությունը գրեթե դադարեցվեց, աղքատության մակարդակը սկսեց բարձրանալ, իսկ բարձրահարկերը մնացին կիսադատարկ…
Գիտեմ, հիմա բոլոր կողմերից կհնչի՝ ի՞նչ երկնաքերեր, ողջ աշխարհում տնտեսական ճգնաժամ սկսվեց, հո միայն մենք չենք տուժել եւ այլն…
Համաձայն եմ։ Բայց բոլոր դեպքերում, նա վսյակի՝ միգուցե այնուամենայնիվ զգուշանա՞նք երկնաքերեր կառուցելուց…
