ՀՀ վարչական դատարանը վարույթ է ընդունել ՀՀ բնապահպանության նախարարության դեմ «Էկոլոգիական անվտանգության ապահովման և ժողովրդավարության զարգացման» ՀԿ-ի հայցը: Կազմակերպությունը մեղադրում է նախարարությանն անգործության և Ողջի գետի աղտոտման դեմ միջոցառումներ չձեռնարկելու համար: Այս մասին ասվում է «ԷկոԼուր» հասարակական կազմակերպության տարածած հաղորդագրությունում: Հայցի հիմքում ընկած է ՀՀ բնապահպանության նախարարության շրջակա միջավայրի վրա ազդեցության մոնիտորինգի կենտրոնի, Հայջրմուղկոյուղու տվյալները, նախարարության պատասխանը կազմակերպության հարցմանը և այլն: