ԱՄՆ նախագահ Բարաք Օբաման Սպիտակ տանն ընդունել է հոլիվուդյան գերաստղեր Բրեդ Փիթին և Անջելինա Ջոլիին:
«Չիկագո գնալուց առաջ Օբաման Օվալաձև գրասենյակում հանդիպել է մի քանի մարդկանց, այդ թվում՝ Բրեդ Փիթի և Անջելինա Ջոլիի հետ»,- ասվում է The Wall Strees Journal-ի բլոգում:
Սպիտակ տունը հանդիպման մանրամասների մասին չի հաղորդել, սակայն ԶԼՄ-ների տվյալներով՝ նախագահը Ջոլիի հետ քննարկել է նրա մարդասիրական գործունեությունը: Ոչ պակաս, քան դերասանական գործունեությունը, Ջոլին հայտնի է աշխարհի ամենավտանգավոր վայրեր իր այցելություններով: Բացի այդ, նա հանդես է գալիս որպես ամբողջ աշխարհում կանանց և երեխաների իրավունքների պաշտպան:
Ջոլիի և Փիթի՝ Վաշինգտն գալու հիմնական նպատակը Հոլոքոստի թանգարանում ցուցադրվող Ջոլիի «Արյան և մեղրի երկրում» ֆիլմի պրեմիերան էր:
