McDonald’s ընկերությունը պատրաստվում է Մեծ Բրիտանիայի Հեփի-Միլ ճաշի ժամանակ երեխաներին բաժանել ավելի քան 9 միլիոն մանկական գիրք:
Ինչպես հայտնում է The Guardian-ը, իր մանկական ճաշերի մեջ McDonald’s-ը ցանկանում է ներառել բրիտանացի հեղինակ Մայքլ Մորփուրգոյի մանկական գրքերը և այդ գրքերի հերոսների տեսքով խաղալիքներ: Երեխաները կարող են խաղալիքները հագնել մատների վրա` ներկայացնելով վեպերի պատմությունները: Ակցիան նվիրված է War Horse ֆիլմի էկրանավորմանը, որը նկարահանված է Մորփուրգոյի համանուն վեպի հիման վրա:
McDonald’s-ն արդեն պայմանագիր է ստորագրել Harper Collins հրատարակչի հետ, որը տպագրելու է բրիտանացի գրողի գրքերը: Ակցիային աջակցում է հեռուստատեսային գովազդային արշավը: McDonald’s-ը հայտարարել է, որ ակցիայի նպատակը երեխաների շրջանում գրագիտության մակարդակը բարձրացնելն է և արվեստի նկատմամբ սեր առաջացնելը:
McDonald’s-ի գովազդային արշավն աջակցում է նաև Մեծ Բրիտանիայի գրագիտության ազգային հիմնադրամը:
