Բրիտանացի գիտնականները բացահայտել են աշխարհում առաջին «զինվոր» մեղուներին, որոնք ֆիզիկապես ձևավորված են փեթակը հարձակումներից պաշտպանելու համար:
Daily Mail-ը գրում է, որ հայտնագործությունը շատ կարևոր է, քանի որ այն ցույց է տալիս միջատների համայնքների բարձրակարգ էվոլյուցիան: Մինչդեռ գիտնականներին երկար ժամանակ հայտնի են եղել «զինվոր» մրջյունները և այլ տարբեր միջատներ, բայց սա մեղուների զարգացման առաջին ապացույցն է:
«Զինվոր» մեղուները կանգնում են բնի մուտքի մոտ` որպես պահակ, ինչպես նաև պտտվում են մուտքի շուրջ, որպեսզի «թշնամու հարձակման» վտանգի դեպքում նախապես կարողանան զգուշացնել համայնքի մյուս անդամներին:
