РИА Новости-ի փոխանցմամբ, ԵՄ անդամ երկրները որոշել են ավելի շուտ կազմակերպել իրենց արտգործնախարարների առաջիկա հանդիպումը, որի ժամանակ քննարկվելու է իրանական նավթի ներկրման վրա բեռնարգելք դնելու հարցը։ Հունվարի 30-ին նշանակված հանդիպումը կկայանա դրանից մեկ շաբաթ առաջ՝ հունվարի 23-ին։
ԵՄ կողմից Իրանի հանդեպ նոր պատժամիջոցների սահմանմանը կարող է նպաստել այն, որ երեկ ԱԷՄԳ-ը պաշտոնապես հաստատեց տեղեկատվությունը, թե Իրանը ձեռնամուխ է եղել մինչև 20 տոկոս ուրանի հարստացմանը։
Հիշեցնենք, որ նախորդ տարվա դեկտեմբերի կեսերին Միջազգային էներգետիկ գործակալության (International Energy Agency (IEA)) հրապարակած զեկույցում նշված էր, որ եթե ԵՄ-ը բեռնարգելք դնի իրանական նավթի ներկրման վրա, ապա Իրանը կարող է զրկել նավթի արդյունահանման մեկ քառորդից։ Դա կհանգեցնի Սաուդյան Արաբիայից, Իրաքից ու Ռուսաստանից ներկրվող նավթի թանկացմանը։ Միևնույն ժամանակ ասիական երկրները կօգտվեն դրանից և կավելացնեն նվազած գնով իրանական նավթի գնման ծավալը։
