Չիկագոյի 21-ամյա բնակչին մեղադրանք են ներկայացրել Facebook-ում հրապարակված ծանրացուցիչ հանգամանքներով ընտանեկան բռնության անօրինական նկարի համար, որտեղ պատկերված է նրա երկու տարեկան դուստրը: Ինչպես հայտնում է Associated Press գործակալությունը, մեղադրանքները ներկայացվել են դեռևս անցած շաբաթ, սակայն դատախազությունը դրա մասին հայտնել է միայն երկուշաբթի:
The Chicago Tribune-ը նշում է, որ միջադեպը տեղի է ունեցել դեկտեմբերի 14-ին: Ոստիկանության ուշադրության կենտրոնում է հայտնվել 22 ամսական երեխայի նկարը, որը կապկպված է կպչուն ժապավենով: Երեխայի հայրը` Անդրե Քարին, թողել է հետևյալ գրառումը. «Ահա թե ինչ է պատահում, երբ իմ երեխան ինձ հարվածում է 😉 »:
Դեկտեմբերի 21-ին Կուկ շրջանի դատարանը վճռել է Քարից վերցնել 100 հազար դոլար գրավ: Associated Press գործակալության տվյալների համաձայն՝ դատարանը արգելել է նրան շփվել երեխայի հետ և օգտվել համացանցից: Իսկ The Chicago Tribune-ը նշում է, որ Քարիին արգելել են շփվել ցանկացած երեխայի հետ: Երիտասարդ հայրը չի կարողացել մուծել գրավը և այժմ գտնվում է կալանքի տակ:
Քարիի գործով հաջորդ լսումները նախատեսված են հունվարի 21-ին: The Chicago Tribune-ի տվյալների համաձայն՝ Անդրեին սպառնում է յոթ տարի ազատազրկում:
Երիտասարդ հոր պաշտպանները վստահեցնում են, որ լուսանկարը կատակով է արվել, և հայրն իրականում երեխային վնաս չի պատճառել:
