Ես չեմ ցանկանում անդրադառնալ ոչ մի հեռուստաալիքի, քանի որ իրոք չեմ հետևել հեռուստածրագրերին, իսկ եթե հետևեի էլ` հաստատ հաճելի զարմանք չէի ապրելու, քանի որ Նոր տարվա գիշերը ոչ մի հեռուստաալիք չէր փոխվելու: «Առաջին լրատվական»-ի հարցին` դիտե՞լ է արդյոք հայաստանյան հեռուստաեթերի ամանորյա տոնական հաղորդումները, այսպիսի պատասխան տվեց «Վիտամին» ակումբի անդամ Գարիկ Պապոյանը:
Նրա խոսքով, այն, ինչ ցույց են տալիս հեռուստաալիքներն ամբողջ տարվա ընթացքում, Ամանորի գիշերը ցուցադրում են դրա լավագույնը:
«Բոլորը Նոր տարվա գիշերը ցուցադրում են իրենց ուժերի լավագույնը: Պատկերացրեք` եթե Նոր տարվա գիշերը ցուցադրածը նրանց լավագույնն էր, ապա ինչ են նրանք ցուցադրել ամբողջ տարվա ընթացքում»,- ասաց նա:
