ԱՄՆ իշխանությունները երկուշաբթի օրը հայտնել են, որ Գլենդելի նախկին բնակիչ Հենրիկ Սարդարյանին կարող է դատապարտվել մինչև 75 տարվա ազատազրկման դաշնային բանտում, քանի որ մեղադրվում է մասնավոր վարկատուներից խաբեությամբ 5 միլիոն դոլար կորզելու մեջ:
Glendale New-Press-ը հաղորդում է, որ 44-ամյա Հենրիկ Սարդարյանին անցած շաբաթ ԱՄՆ-ի առաջին ատյանի դատարանում մեղավոր է ճանաչվել հինգ տարբեր հանցանքների` երեք իրար կցված խաբեությունների, դավադրության և փողերի լվացման համար: ԱՄՆ փաստաբանական գրասենյակի հաղորդմամբ՝ Սարդարյանին իշխանություններին նաև հայտնել է, որ ծրագրել էր մոտավորապես 2 միլիոն դոլար օգտագործել ձիարշավում խաղադրույքներ անելու համար:
2007 թվականի մայիսին Սարդարյանին գործարք կատարելիս իր տունն օգտագործել էր որպես գրավ, որի ընթացքում նա ներկայացրել էր կեղծ փաստաթղթեր` ապացուցելու համար, որ ինքը հանդիսանում է Foremost Investment Properties ընկերության նախագահը: Այդ կերպ նա կարողացել էր ստանալ 800000 դոլարի վարկ:
Մի քանի շաբաթ անց նա, կրկին իր տունը որպես գրավ օգտագործելով, Bith LLC-ից 2.5 միլիոն դոլարի վարկի հարցում էր կատարել: Նա պնդել էր, որ հիվանդանոց է գնում և գումարի կարիքն ունի ավանդը 30 օրով երկարացնելու համար, որպեսզի հասցնի վերջացնել ֆինանսավորումը: Սարդարյանին նաև խնդրել էր Հոնկոնգի իր հաշվեհամարին 1.9 միլիոն դոլար գումար փոխանցել ձիարշավում խաղադրույք կատարելու համար:
Սարդարյանին խոստացել էր վարկն ամբողջությամբ վերադարձնել 30 օրվա ընթացքում: Մի քանի ամիս անց նա բանկից կրկին վարկով գումար է վերցրել:
Սարդարյանին դատարանում հայտնել է, որ այդ գումարի մեծ մասն տրամադրվել է ընտանիքի անդամներին և օգտագործվել այլ պարտատերերի վճարելու համար:
Սարդարյանիի եղբայրը` 42-ամյա Համլետ Սարդարյանին, նույնպես մեղադրվում էր վարկային խաբեությանը մասնակցելու մեջ: Նրա դատավարությունը կկայանա մարտի 6-ին:
Հենրիկ Սարդարյանին, որի դատավճիռը կկայանա մարտի 26-ին, կարող է ենթարկվել մինչև 75 տարվա ազատազրկման դաշնային բանտում:
