Ջորջ Քլունիի հաջորդ ռեժիսորական դեբյուտը կլինի Երկրորդ համաշխարհային պատերազի ժամանակ գեղարվեստական արժեքների վերականգնման մասին պատմությունը: Ինչպես հաղորդում է Collider.com կինոռեսուրսը, ֆիլմը հիմնված է տեխասցի պատմաբան Ռոբերտ Էդսելի հետազոտության վրա, որը վերնագրված է «Հուշարձանների պաշտպանության ջոկատ. Հերոսական դաշնակիցներ, նացիստական գողեր և պատմության մեջ ամենամեծ գանձերի որսը» (The Monuments Man: Allied Heroes, Nazi Thieves, and the Greatest Treasure Hunt in History):
«Ես շատ եմ տարված այդ պատմությունով: Այն հետաքրքիր է, սակայն կարող է վերածվել իսկապես հետաքրքիր ֆիլմի, և մեծ բյուջե է պահանջում»,- մեջբերում է պարբերականը Քլունիի խոսքերը, որը այս անգամ ևս ցանկանում է ինքնուրույն գրել սցենարը՝ իր հին գործընկեր Գրանթ Հեսլովի օգնությամբ, և ինքն էլ կնկարահանվի գլխավոր դերերից մեկում:
Գործակալությունը նշում է, որ Քլունիի նախորդ մտահղացումներն անկախ են եղել և նկարահանվել են համեմատաբար քիչ գումարներով:
«Ես կոմերցին ֆիլմերին դեմ չեմ: Ես դեմ եմ միայն այն կոմերցիոն ֆիլմերին, որոնք ինձ համար չեն կարող իրական լինել: Իսկ քանի որ ես արդեն վերցրել եմ կոմերցիոն պատմություն, մտածեցի, որ պետք է մտածել ինչ-որ իսկապես հետաքրքիր բան, ինչի մասին իրոք պետք է պատմել»,- ասել է Քլունին:
