Աֆղանստանի արտաքին գործերի նախարարությունն այսօր հայտնել է, որ դեսպանատուն կբացի Հունաստանում` այնտեղ անօրինական գտնվող տասը հազարավոր աֆղան ներգաղթյալներին աջակցելու համար:
Արտաքին գործերի նախարարության խոսնակ Ջանան Մուսազային ասել է, որ Աթենքում նոր դեսպանատունը կբացվի մինչև մարտ ամսվա վերջը: Նա միևնույն ժամանակ ասել է, որ Քաբուլը կփակի Բուլղարիայի իր դեսպանատունը:
Associated press-ի հաղորդմամբ՝ Մուսազային այսօր ասել է, որ մոտավորապես 50000 աֆղան ամեն տարի անօրինական կերպով մտնում է Հունաստան` փորձելով ավելի լավ կյանք գտնել Եվրոպական Միությունում: Շատերը հենց Հունաստանն են ընտրում Թուրքիայի հետ ունեցած սահմանի պատճառով:
Բայց այդ ներգաղթյալներց շատերը կա՛մ բռնվում, կա՛մ բանտարկվում, կա՛մ էլ մնում են առանց փողի և փաստաթղթերի: Մուսազային նաև հայտնել է, որ կառավարության վերջերս կազմած պատվիրակությունը 650 անձնագիր է տրամադրել այն աֆղաններին, ովքեր ցանկացել են հայրենիք վերադառնալ: