Հնդկաստանի Գուվահաթի քաղաքի փողոցներում այսօր հայտնված ընձառյուծը հարձակվել և վիրավորել է 4 մարդու:
Daily Mail-ի հաղորդմամբ՝ տեղացիները լուրջ վնասվածքներ են ստացել, երբ կենդանին հարձակվել է Նաբագրահա փողոցի վրա գտնվող տան վրա: Տղամարդիկ կարողացել են կենդանուն փակել տանը, մինչև անտառային դեպարտամենտի աշխատողները եկել և հանդարտեցրել են նրան:
Ըստ ականատեսների՝ իրենք պարզապես ապշած էին՝ ընձառյուծին տանը տեսնելով: Վիրավորված տղամարդկանցից մեկը գլխի և դեմքի լուրջ վնասվածքներով տեղափոխվել է հիվանդանոց:
Անտառային դեպարտամենտի աշխատակցի կարծիքով՝ կենդանին հարձակվել է բնակավայրի վրա ուտելիք գտնելու հույսով:
Գուվահաթին շրջապատող բլուրները ծածկված են վայրի բնությամբ: Այդ ջունգլիների մեծ մասը մաքրվել է` տներ կառուցելու նպատակով, այդ պատճառով էլ շատացել են իրենց ապրելու վայրից և սնունդից զրկված վայրի կենդանիների հարձակումները:
