Գիտնականների նոր հետազոտության արդյունքում պարզվել է, որ շները ոչ միայն ընկալում են այն բառերը, որ մենք ասում ենք, այլ նաև «հասկանում են», թե մենք ինչ ի նկատի ունենք այդ բառերն ասելիս: Շները նաև ուշադրություն են դարձնում մարդկային ձայնի փոփոխությանը:
Հետազոտողները պարզել են, որ շների հասկացողության մակարդակը հետաքրքիր կերպով հավասար է շատ փոքր երեխաների հասկացողության մակարդակին:
Հունգարիայի գիտությունների ակադեմիայի գիտնական Յոզեֆ Տոպալն ասում է, որ ավելանում են ապացույցներն այն մասին, որ շներն ու մարդիկ ունեն միանման ունակություններ: Ըստ գիտնականների՝ շներն անգամ ուշադրութուն են դարձնում այն բանի վրա, թե որ կողմ է նայում մարդը խոսելիս: Տոպալի հետազոտական խումբը շներին է ներկայացրել երկու տեսանյութ, որոնցից մեկում տղամարդը, բարձր ձայնով և ուղիղ շան աչքերի մեջ նայելով, ասել է. «Բարև շուն», իսկ մյուս տեսագրության մեջ տղամարդը նույն բանն ասել է ավելի ցածր ձայնով և մեկ այլ կողմ նայելով: Հետազոտողներն ուսումնասիրել են, թե ինչպես են շներն արձագանքել տեսանյութերին:
Գիտնականների հույսերն արդարացել են, երբ շները նայել են այն տղամարդուն, ով առաջինը ցուցաբերել է հաղորդակցվելու նախաձեռնություն` շների աչքերի մեջ նայելով:
Daily Mail-ը գրում է, որ հետազոտության արդյունքները հրապարակվել են Current Biology օնլայն ամսագրում:
