Մեծ Բրիտանիայի բարեգործական ընկերությունները զգուշացրել են, որ որդեգրված երեխաների կյանքը կարող է վերածվել քաոսի, եթե Facebook-ի հաղորդագրությունների միջոցով նրանց իրական ծնողները, ովքեր նախկինում բռնացել են նրանց վրա, կամ պարզապես հեռացել են նրանցից, սկսեն նորից անհանգստացնել իրենց երեխաներին:
Daily Mail-ը գրում է, որ իրական ծնողների հետ չվերահսկված կապը որդեգրման գործընթացի համար խանգարող մեծ հանգամանք կարող է հանդիսանալ:
Բրիտանիայի առաջատար երկու բարեգործական ընկերություններն իրենց անհանգստությունն են արտահայտել այն մասին, որ ծնողները, խախտելով օրենքը, խանգարում են որդեգրված երեխաների և նրանց նոր ընտանիքների նորմալ հարաբերությունների զարգացմանը: Եվ սա այն դեպքում, երբ այդ ծնողների մեծ մասը նախկինում բռնացել է իրենց երեխաների վրա, կամ նրանցից երեխաներին խլել են` թմրանյութեր օգտագործելու պատճառով:
Adoption UK-ի գործադիր տնօրեն Ջոնաթան Փիերսն ասել է, որ սոցիալական ցանցերի միջոցով իրական ծնողների հետ չվերահսկված կապը մեծագույն խնդիրն է որդեգրված երեխաների համար:
Որդեգրման և խնամքի բրիտանական ասոցիացիայի ուսումնասիրման արդյունքում պարզվել է, որ որդեգրված երեխաների 53 տոկոսը փորձել է սոցիալական կայքերի, մասնավորապես Facebook-ի միջոցով գտնել իր կենսաբանական ծնողներին:
