Այս տարի հայ վրացական հարաբերություններն ավելի կամրապնդվեն: «Առաջին լրատվական»-ի հետ զրույցում նման տեսակետ հայտնեց Միխեիլ Սաակաշվիլիի խորհրդական Վան Բայբուրդը`անդրադառնալով 2012 թ. հայ-վրացական հարաբերություններին: Նա նկատեց, որ վերջին երեք տարվա ընթացքում հայ-վրացական հարաբերությունները գնալով ամրապնդվում են:
«Հայ-վրացական հարաբերությունների դիագրաման անընդհատ բարձրանում է: Սա խոսում է միայն այն մասին, որ այս երկու պետությունների հարաբերությունները շատ կայուն են տնտեսական, մշակութային, դիվանագիտական և միջազգային ասպարեզում»,- մեկնաբանեց Վ. Բայբուրդը` հավելելով, որ մարդկային հարաբերությունները նույնպես լավ են: Նրա համոզմամբ` այս տարի կշարունակվի հայ-վրացական հարաբերությունների կայուն զարգացման գործընթացը:
