Իրանական Fars News լրատվական գործակալության փոխանցմամբ՝ իրանցի պատգամավոր Նադեր Գազիպուրը հայտարարել է, որ մոտ ապագայում Հորմուզի նեղուցով օտար ռազմանավերի անցնելու համար անհրաժեշտ կլինի Իրանի ռազմածովային ուժերի թույլտվությունը։ Գազիպուրի խոսքերով՝ այդ առաջարկը հաջորդ շաբաթ ներկայացվելու է Իրանի խորհրդարանի դիտարկմանը։
Ավելի վաղ իրանական կողմը հայտարարել էր, որ չի պատաստվում փակել Հորմուզի նեղուցը։ Նշվում է, որ աշխարհի նավթատար նավերի մոտ 1/3-ն անցնում է հենց այդ նեղուցով, և դրա փակման դեպքում համաշխարհային շուկաներում կգրանցվի նավթի խիստ դեֆիցիտ, ինչը կհանգեցնի նավթամթերքի գնի բարձրացմանը։
