Օրեր առաջ ՔԿՀ-ների վարչության պետ Հայկ Հարությունյանը Գոռ Խաչատրյանին նշանակել է «Վարդաշեն» ՔԿՀ-ի բուժմասի պետ: Հիշեցնենք, որ Գոռ Խաչատրյանը, ունենալով սեփական պլաստիկ վիրաբուժության կլինիկա, դրա անունով, բայց չեղած հասցեով հոգեմետ դեղեր ստանալու կառավարության որոշում էր հաջողացրել ԲՀԿ-ական նախարար Քուշկյանի միջոցով: Այդպես էլ անհայտ մնաց, թե կեղծիքի միջոցով հոգեմետ դեղեր ստանալու եւ ապօրինի շրջանառության մեջ դնելու հիմքով քրգործ հարուցվե՞ց, Խաչատրյանին ու Քուշկյանին հարցնող եղա՞վ, թե ինչո՞ւ են հանցագործություն արել: Փաստն այն է, որ նրանք ազատության մեջ են, եւ Գոռ Խաչատրյանը որոշ ժամանակ ՔԿՀ-ի կադրերի վարչության տրամադրության տակ մնալուց հետո եկավ «Վարդաշեն», որտեղ պետի պաշտոնը թափուր է: Նրան ճանաչողները չեն բացառում, որ բուժմասի պետից հասնի ՔԿՀ-ի պետի պաշտոնին եւ դրա դիմաց լավ «թիվ» առաջարկած լինի իրեն հետ բերողին:
