Նոր երգ եմ գրել անցնող տարում: Մեր դեպքում կարևորը երգ գրելն է: «Առաջին լրատվական»-ի հետ զրույցում, ամփոփելով անցնող տարվա ձեռքբերումներն ու արած աշխատանքը, կատակով ասաց երգիչ Դավիթ Ամալյանը:
Մեզ հետ զրույցում երգիչը խոստովանեց, որ նոր նախագիծ է սկսել` «Մշո հարսնիքը», որը հաջորդ տարի կավարտի: «Պարային լայնածավալ գործ է, որի երգերի հեղինակը ես եմ: Լինելու է ժամանակակից հիմքով, ազգագրական էլեմենտներով ստեղծագործություն: Երաժշտությունն ու մոտեցումը ժամանակակից են, այսինքն`կան ջազային մշակումներ»,- հավելեց երաժիշտը:
Նրա խոսքով` «Մշո հարսնիքի» պրեմիերան կկայանա արդեն 2012թ. ապրիլ-մայիս ամիսներին Երևանում` Ա. Սպենիսրյանի անվան օպերայի ու բալետի ազգային-ակադեմիական թատրոնում:
Ինչ վերաբերում է տեսահոլովակներին, ապա, ըստ երաժիշտի, ինքը շատ քիչ է նկարահանել: «Վերջին տեսահոլովակը նկարել եմ Ռուբեն Հախվերդյանի հետ: Որոշել եմ տեսահոլովակների փոխարեն համերգներ տալ»,- խոստովանեց երաժիշտը:
