Մեծ Բրիտանիայի Քենտ կոմսությունում՝ 46-ամյա Իան Ռիչարդսի բնակարանում, հայտնաբերվել է թմրանյութերի ընդհատակյա արտադրություն: Ինքնաշեն լաբորատորիայում տղամարդը աճեցնում էր մարիխուանա: Այս մասին հայտնում է Вести.ru` հղում անելով տեղի ԶԼՄ-ներին:
Հաղորդվում է, որ ամանորյա տոներին ընդառաջ՝ թփերից մեկը տղամարդը զարդարել էր տոնածառի խաղալիքներով: Ավելին՝ Ռիչարդսը մկրատով «ծառի» գագաթը հատուկ այնպես կտրել է, որ այն նմանվի տոնածառի:
Ոստիկանության ներկայացուցիչը նշել է, որ Ռիչարդսը մարիխուանայի կես մետրանոց թուփն օգտագործել է որպես Սուրբծննդյան ծառ` օրենքի նկատմամբ դրսևորելով անհարգալից վերաբերմունք:
Թմրանյութերի ընդհատակյա արտադրության համար տղամարդը դատապարտվել է 1.5 տարի ազատազրկման:
