Հուսով եմ` այս իշխանությունները կկատարեն ընտրությունների վերաբերյալ իրենց խոստումները : «Առաջին լրատվական»-ի հետ զրույցում հայտնեց Երևանի մամուլի ակումբի ղեկավար Բորիս Նավասարդյանը` խոսելով այս տարվա ակնկալիքների շուրջ:
Նա նշեց, որ իր հիմնական սպասելիքները կապված են ընտրությունների հետ: «Եթե մեզ նույնիսկ չհետաքրքրեն դրանք, միևնույն է` շատ հարցեր պայմանավորված են ընտրություններով` արդյոք կլինի՞ քաղաքական համաձայնություն, չե՞ն լինի բողոքի մեծ ակցիաներ և այլն»,- նշեց Բ. Նավասարդյանը` հույս հայտնելով, որ հարցի կարևորությունը գիտակցում են նաև իշխանությունները և պատրաստ կլինեն կատարել այն բազմաթիվ խոստումները, որ տվել են և՛ միջազգային հանրությանը, և՛ հայաստանցիներին, թե` այս ընտրությունները մեր նորագույն պատմության մեջ ամենամաքուրը կլինեն:
