2011 թվականին Ճապոնիայում, վերջին 19 տարվա ընթացքում առաջին անգամ, չի իրականացվել ոչ մի մահապատիժ: Այս մասին հաղորդում է Интерфакс գործակալությունը:
«Ճապոնիայի արդարադատության նախարարությունը հաշվետվություն է ներկայացրել այն մասին, որ 2011 թվականին դատական մարմինները վճիռ են կայացրել մահապատիժ իրականացնել 21 մարդու նկատմամբ, սակայն ոչ մի վճիռ չի իրականացվել վերջին 19 տարվա ընթացքում»,- մեջբերում է գործակալությունը` վկայակոչելով ճապոնական NHK հեռուսատընկերությանը:
Ներկայումս Ճապոնիայում հաշվվում են ռեկորդային թվով մահվան դատապարտվածներ` 129 մարդ, որոնք սպասում են իրենց դատավճռին:
Համաձայն ճապոնական օրենսդրության` մահապատժի դատավճիռը իրականացվում է ամեն տարվա դեկտեմբերի 28-ին: Ընդ որում, Ճապոնիայի իշխանությունները չեն նշում այն չափանիշները, որոնցով առաջնորդվում են մահապատժի հերթականությունը որոշելու և իրականցնելու ժամանակ:
