News Georgia-ի փոխանցմամբ՝ Վրաստանի փոխվարչապետ, Եվրաինտեգրման գծով պետնախարար Գեորգի Բարամիձեն հայտարարել է, որ Վրաստանը մտադիր է 2012 թվականին պահպանել ՆԱՏՕ-ին ու ԵՄ-ին ինտեգրվելու գործընթացը.
«Անցնող տարին շատ կարևոր էր ՆԱՏՕ-ին ու ԵՄ-ին Վրաստանի ինտեգրման տեսանկյունից։ Մենք մեր առջև նպատակ ենք դրել հաջորդ տարի պահպանել ինտեգրման այդ բարձր տեմպը։ Վրաստանը շարունակելու է տվյալ ուղղությամբ անհրաժեշտ բարեփոխումների իրագործումը՝ ամրապնդելով ժողովրդավարական ինստիտուտները։
Պլանավորված է, որ 2012 թվականի գարնանը մեկնարկելու են անցագրային ռեժիմի վերացման շուրջ ԵՄ-ի հետ բանակցությունները։ Բացի այդ, Վրաստանը «հստակ ազդանշաններ» է ակնկալում հաջորդ տարվա մայիսին Չիկագոյում կայանալիք ՆԱՏՕ-ի գագաթնաժողովից։
Մենք չենք ակնկալում, որ այդ գագաթնաժողովում մեզ կհրավիրեն ՆԱՏՕ, քանի որ մենք դեռ պետք է հաղթահարենք որոշակի ճանապարհ՝ այդ կազմակերպության չափորոշիչներին համապատասխանելու համար»։
