Apple-ի փաստաթղթերի գաղտնի արխիվում հայտնաբերվել են, գրառումներ, որոնցում Սթիվ Ջոբսն իր բիզնեսը սկսելու փորձեր անելիս անվանվել է «կատակասեր»:
Mail Online-ը գրում է, որ արխիվը գտնվում է Կալիֆոռնիայում: Այնտեղ հայտնաբերվել է 1976 թվականի ձեռագիր մի գրառում, որը գրվել է մի մարդու կողմից, ով առաջին անգամ հանդիպել է Սթիվ Ջոբսին և Սթիվ Վոզնիակին:
Ջոբսն ու Վոզնիակը, ովքեր հենց այդ տարում հիմնադրել են Apple–ը, Մայք անունով այդ մարդուց խնդրել են իրենց որոշակի քանակությամբ անվճար թուղթ տրամադրել:
Մայքը դրանից հետո իր գործընկերների համար գրառում է թողել, որտեղ ասվում է. «Այդ կատակասեր Ջոբսը պատրաստվում է ձեզ զանգել: Նրանք երկու տղաներ են, որոնք օդապարիկներ են պատրաստում, ու պատրաստվում են դրանք վաճառել»:
Արխիվում պահվում են նաև 1980-ական թվականներին ընկերության աշխատակիցների հետ արված հարցազրույցները:
