ИТАР-ТАСС-ի փոխանցմամբ՝ Մեծ Բրիտանիայի ԱԳՆ-ը հայտարարել է, որ Հորմուզի նեղուցի փակման շուրջ Իրանի կողմից սպառնալիքներ հնչեցնելը միտված է այդ երկրի միջուկային ծրագրից միջազգային հանրության ուշադրության շեղմանը.
Մեծ Բրիտանիայի ԱԳՆ-ի պաշտոնական ներկայացուցիչը հայտարարել է. «Իրանցի քաղաքական գործիչները կանոնավորապես դիմում են նման հռետորիկայի, որպեսզի դրանով իսկ շեղեն իրենց միջուկային ծրագրից միջազգային հանրության ուշադրությունը։ Մենք ցանկանում ենք այդ խնդիրը լուծել բանակցությունների միջոցով։
Մենք շարունակելու են կրկնակի ռազմավարություն կիրառել Իրանի նկատմամբ, որի էությունն այն է, որ, Թեհրանի վրա գործադրվող ճնշման հետ մեկտեղ, շարունակելու ենք նրա հետ բանակցություններ վարել։ Իրանը պետք է միջազգային հանրությանն ապացուցի, որ իր միջուկային ծրագիրը կրում է խաղաղ բնույթ»։
