Интерфакс լրատվական գործակալության փոխանցմամբ՝ Իրանի ռազմածովային ուժերը «Վելայաթ 90» խորագրով ռազմածովային ուժերի զորավարժությունների 4-րդ օրը փորձարկել են նորագույն տեխնիկա։ Խոսքը իրանական արտադրության նորագույն տորպեդների մասին է։
Իրանցի ծովակալ Մահմուդ Մուսավիի խոսքերով՝ զորավարժությունների ժամանակ ցուցադրվել են Իրանի ռազմածովային ուժերի խոշոր նվաճումները։ Զորավարժություններում ներառված են նաև ցամաքային և ծովային բազավորման անօդաչու թռչող սարքեր։
Զորավարժությունները մեկնարկել են շաբաթ օրը և տևելու են 10 օր։ Դրանք անցկացվում են Ադենի ծոցումու Հորմուզի նեղուցում և ընդգրկում են 2000 կիլոմետր քառակուսի ջրատարածություն։
Նշվում է, որ առաջին անգամ է Իրանը զորավարժություններ անցկացնում նմանատիպ մեծ ջրատարածությունում։ Պաշտոնական Թեհրանի խոսքերով՝ այդ զորավարժությունները միտված են Իրանի զինված ուժերի պաշտպանական կարողությունների ցուցադրմանը և միջազգային ջրերում գործելու ունակությանը։
