ԱՄՆ-ի հինգերորդ նավատորմն այսօր հայտնել է, որ, չնայած Իրանի սպառնալիքներին, թույլ չի տա, որ Հոմուզի նեղուցում երթևեկությունն արգելափակվի:
Ինչպես գրում է Reuters-ը, Բահրեյնում գտնվող նավատորմը հայտնել է, որ ապրանքի տեղափոխումը նեղուցով կենսական նշանակություն ունի տարածաշրջանի համար:
«Ցանկացած մեկը, ով փորձում է խանգարել ազատ նավարկությանը միջազգային նեղուցում, պարզ է, որ չի պատկանում ազգերի համայնքին, և հաստատ թույլ չի տրվի, որ նման բան լինի»:
Այն հարցին, թե արդյոք նավատորմն ինչ-որ միջոցառումներ ձեռնարկո՞ւմ է Իրանի սպառնալիքին ի պատասխան, նավատորմից հայտնել են, որ կարվի ամեն ինչ՝ նման գործողությունները կանխարգելելու համար։
