Նոր հետազոտության արդյունքում պարզվել է, որ աղքատ մարդիկ ավելի բարի են, քան միջին խավի ներկայացուցիչները կամ հարուստները:
HealthDay-ը գրում է, որ հետազոտությանը մասնակցել են 300 երիտասարդներ, որոնք բաժանվել են խմբերի: Հատուկ առաջադրանքների միջոցով ստուգվել է նրանց բարության և խղճահարության մակարդակը:
Կալիֆոռնիայի համալսարանի գիտնականները հայտնում են, որ նոր հետազոտության արդյունքները տարբերվում են նախորդ հետազոտությունից, որի ժամանակ պարզվել էր, որ իրականում ավելի հավանական է՝ աղքատ մարդիկ ատելության զգացումներ ունենան:
Emotion ամսագրում դեկտեմբերի 12-ին հրապարակված հետազոտությունը գիտականորեն ապացուցում է, որ տարբերություններ կան աղքատ և հարուստ մարդկանց զգացմունքային ընկալումներում:
Արդյունքները նաև ցույց են տալիս, որ հասարակության ցածր խավի ներկայացուցիչները ավելի հեշտ են համագործակցում միմյանց հետ, քան հարուստները։
