Հոլիվուդյան դերասան Մեթյու Մաքքոնահին ամուսնության առաջարկ է արել իր հին ընկերուհուն և երկու երեխաների մորը` մոդել Քամիլա Ալվեսին:
Ինչպես հայտնում է Reuters գործակալությունը, այդ մասին դերասանը հայտնել է Whosay.com կայքում, որտեղ իրենց էջերն ունեն շատ աստղեր: Մաքքոնահին կայքում տեղադրել է նկար, որտեղ ինքը և իր սիրեցյալը համբուրվում են Սուրբ Ծննդյան եղևնու ֆոնին` հետևյալ գրությամբ` «Հենց նոր Քամիլային առաջարկել եմ ինձ հետ ամուսնանալ, ուրախ Սուրբ Ծնունդ եմ մաղթում»:
42-ամյա դերասանի ներկայացուցիչը հաստատել է, որ կայքում տեղադրված գրությունը իրական է, սակայն հրաժարվել է մանրամասները հայտնել:
Մաքքոնահին և Ալվեսն ունեն երկու երեխա` երեքամյա Լևին և դուստրը` Վիդան, որը հունվարին դառնալու է երկու տարեկան:
