Կալիֆոռնիայի համալսարանի գիտնականների հետազոտությանը մասնակցել են ծխողներ, ովքեր հաճախակի նիկոտին օգտագործելու ցանկություն են ունենում: Հետազոտողները մասնակիցներին ցուցադրել են տեսագրություններ, որոնք խթանում են նիկոտինի հանդեպ ցանկության մեծացումը: Որոշ մասնակիցների ցուցադրվել են «չեզոք» տեսագրություններ, իսկ ոմանց էլ ընդհանրապես տեսագրություններ չեն ցուցադրվել: Այնուհետև գիտնականները մասնակիցներին խնդրել են փորձել պայքարել նիկիոտինի նկատմամբ ունեցած ցանկության դեմ:
Այնուհետև գիտնականները փորձել են պարզել, թե ուղեղի որ շրջաններն են պատասխանատու նիկոտինի նկատմամբ հակվածության դեմ պայքարելու համար:
Համակարգիչը, ինչպես հայտնում է հետազոտության հեղինակ Արիանա Անդերսոնը, աշխատում է Google-ի նման, որը կանխագուշակում է, թե որոնք են փնտրվող բառերը: Այս սարքի միջոցով գիտնականները կարողացել են գրեթե լիարժեք ճշտությամբ ասել, թե մասնակիցները որ տեսագրություններն են դիտելև արդյո՞ք փորձել են պայքարել իրենց ցանկության դեմ, թե՝ ոչ:
Mail Online-ը գրում է, որ հետազոտության արդյունքները ներկայացվել են Իսպանիայում տեղի ունեցող Neural Information Processing Systems’ Machine Learning and Interpretation in Neuroimaging խորհրդաժողովի ընթացքում: Հետազոտությունը հետաքրքիր նրանով, որ կարող է օգտակար լինել նաև թմրամոլներին օգնելու համար` թմրանյութերի նկատմամբ հակվածության դեմ պայքարելու հարցում:
