Ղազախստանի նախագահը Ժանաոզեն քաղաքի անկարգությունները կազմակերպելու մեջ մեղադրում է հանցագործ խմբավորումներին, որոնք «կապեր ունեն օտար ուժերի հետ»:
РИА Новости-ն գրում է, որ Ժանաոզենում տեղի ունեցող իրադարձություններն իսկական փորձություն էին երկրի համար: Երկրի նախագահի կարծիքով՝ այս անկարգությունների հիմնական նպատակն էր Ղազախստանում ստեղծել սոցիալական, ազգամիջյան, կրոնական և այլ բնույթի բախումներ: Այժմ անկարգությունների կազմակերպիչներին բացահայտելու համար հետաքննություն է անցկացվում: Իշխանության կարծիքով՝ կազմակերպիչները հանցագործ խմբավորումներ են եղել, որոնց անհրաժեշտ է եղել փողային գործարքներ իրականացնել ու թաքցնել։
Նշենք, որ նախագահ Նազարբաևը բարձրաստիճան պաշտոնյաներին արգելել է հանգստանալու կամ այլ նպատակներով հեռանալ երկրից: