Ճապոնիայի վարչապետ Յոշիհիկո Նոդան այսօր հայտնել է, որ ինքն ու Չինաստանի վարչապետը համաձայնության են եկել Հյուսիսային Կորեայի խնդիրները լուծելու և Կիմ Չեն Իրից հետո երկրում կայունություն ստեղծելու նպատակով միասին աշխատելու ուղղությամբ:
Նոդայի առաջին պաշտոնական այցըՊեկին պետք է նպատակ ունենար քննարկել երկկողմանի խնդիրներ, որոնցից էին թերակղզու շուրջ առաջացած տարաձայնությունները, բայց դեկտեմբերի 17-ին Կիմի մահվանից և նրա որդու` Կիմ Ունի` երկրի նոր լիդեր հռչակվելուց հետո փոխվեց քննարկումների թեման:
Նոդան շեշտել է, որ հարկավոր են բանակցություններ Հյուսիսային Կորեայի միջուկային ծրագրի շուրջ` հաղթահարելու վեց կուսակցությունների բանակցությունների փակուղին, և դրանք տանել ճիշտ ուղղությամբ: Նա նաև հավելել է, որ անհրաժեշտ է բանակցող կողմերի հայացքները փոխանակել, մասնավորապես Չինաստանի:
Լրագրողների հետ հանդիպման ժամանակ Նոդան ասել է, որ նա և իր գործընկերը համաձայնություն են ձեռք բերել համագործակցել Կորեական թերակղզում կայունություն հաստատելու ուղղությամբ:
Ճապոնիան չունի դիվանագիտական հարաբերություններ Հյուսիսային Կորեայի հետ, մինչդեռ Չինաստանը համարվում է վերջինիս կարևորագույն աջակիցը և նրան է մատակարարում սնունդ և էներգետիկ ռեսուրսներ: Վեց կուսակցությունների բանակցությունը, որն իր մեջ է ներառում Հյուսիսային և Հարավային Կորեաները, ԱՄՆ-ն, Ռուսաստանը, Չինաստանը և Ճապոնիան, նպատակաուղղված են զինաթափել Հյուսիսային Կորեային իր միջուկային կարողությունից: Նախորդ տարի Հյուսիսային Կորեան մեղադրվել է երկու ռազմական հարձակումների մեջ, որոնք իրականացրել է ՀարավայինԿորեայի դեմ:
Այսօր Չինաստանը և Ճապոնիան փորձում են առաջընթաց ապահովել բանակցություններում: Նոդան և Վենը նշել են, որ 2012-ին կլրանա երկու երկրների դիվանագիտական հարաբերությունների հաստատման 40-րդ տարելիցը, և երկու կողմերն էլ շահագրգռված են ավելի բարելավել դրանք:
