Հայ-իրանական տնտեսական հարաբերությունները, այն, ինչ այս այցի ընթացքում խոսվեց, պայմանագրեր ստորագրվեցին, հեռանկարային են, բայց որքանով դրանք իրական հետևողական և ավելի արագ կիրագործվեն դեռ պարզ չէ: «Առաջին լրատվական»-ի հետ զրույցում նման կարծիք հայտնեց ՀՅԴ պատգամավոր Ռուզան Առաքելյանը:
Ըստ նրա՝ այսօր Հայաստանի սոցիալ-տնտեսական վիճակն այնպիսին է, որ ցանկացած ծրագիր հնարավորինս արագ պետք է իրագործել՝ վիճակը փոխելու համար:
Անդրադառնալով առևտրաշրջանառությանը՝ Ռ.Առաքելյանը նշեց, որ մի ժամանակահատված կար, որ ՀՀ կապը ավելի հեշտ էր Իրանի հետ, և այն ժսամաանկ Իրանը մեր երկրի երկրորդ գործընկերն էր, բայց հետո Հայաստանի համար բացվեցին այլ երկրների, նաև եվրոպական երկրների սահմանները, ծավալները մի փոքր նվազեցին. «Բայց քանի որ ամենամոտ հարևաններից մեկն է, շատ գործարարների համար ավելի նախընտրելի է Իրանի հետ առևտրային հարաբերություններ ստեղծել»:
