Քաղաքական գործիչ Վլադիմիր Ռիժկովը, ելույթ ունենալով ցույցի ժամանակ, որը տեղի էր ունենում Մոսկվայում` Սախարովի պողոտայում, հայտարարել է, որ միջոցառումը վերջացել է, և զգուշացրել է, որպեսզի մարդիկ զգուշանան իշխանամետ շարժումներից: Այս մասին հաղորդում է gazeta.ru կայքը:
Ցույցի կազմակերպիչները հայտարարել են այն մասին, որ բողոքի միջոցառմանը մասնակցել է 120 հազար մարդ: Ոստիկանությունը հայտարարել է, որ ցույցի մասնակիցների թիվն ավելի քիչ է եղել, քանի որ այդքան մարդ այնտեղ անհնար է, որ տեղավորվի:
Սախարովի հրապարակի ցույցի մասնակիցները կոչ են արել ռուսներին ձայն չտալ Վլադիմիր Պուտինին գալիք՝ 2012 թ. նախագահական ընտրությունների ժամանակ: Ցուցարարները որոշել են ստեղծել «Ընտրողների մոսկովյան միություն», որի խնդիրը լինելու է խորհրդարանական ընտրությունների ժամանակ գրանցված խախտումների հետաքննումը: Նրանք կրկին բարձրացրել են դեկտեմբերի 10-ին իշխանության առջև դրված պահանջները, որոնց իրագործման համար տրվել էր երկու շաբաթ, սակայն այդպես էլ ոչ մի պահանջ չկատարվեց։
Ցույցի ընթացքում ձերբակալություններ չեն եղել:
