TRT-ի փոխանցմամբ՝ Թուրքիայի վարչապետ Էրդողանը հրապարակել է Ֆրանսիայի նկատմամբ Թուրքիայի պատժամիջոցները՝ կապված Ֆրանսիայում Հայոց ցեղասպանության հերքումը քրեականացնող օրինագծի հետ։
Ավելի վաղ Էրդողանը Ֆրանսիայի նկատմամբ սահմանելիք պատժամիջոցները բաժանել էր 3 փուլի և խոստացել էր վերոնշյալ օրինագծի ընդունումից հետո հրապարակել առաջին փուլին բաժին ընկած պատժամիջոցները։ Դրանք բաղկացած են 8 կետից.
1) Փարիզից Թուրքիայի դեսպանի հետկանչ,
2) Քաղաքական, ռազմական ու տնտեսական ոլորտներում փոխադարձ այցերի, սեմինարների, դասընթացների սառեցում,
3) Զորավարժությունների չեղյալ հայտարարում,
4) Ֆրանսիայի հետ ամեն տիպի քաղաքական խորհրդակցությունների կասեցում,
5) Թուրքիայի տարածքում ֆրանսիական մարտական ինքնաթիռների թռիչքների թույլտվության արգելք,
6) Ֆրանսիայի հետ համատեղ ԵՄ-ի թվինինգ նախագծերին Թուրքիայի մասնակցության հրաժարում,
7) Ֆրանսիական ռազմանավերի անցման թույլտվության վերացում,
8) 2012 թվականին կայանալիք տնտեսական նիստին Ֆրանսիայի հետ համատեղ մասնակցելուց հրաժարում,
