Ադրբեջանական APA լրատվական գործակալության փոխանցմամբ՝ հաջորդ տարի Ադրբեջանում մեկնարկելու են գնդացրորդների համար նախատեսված դասընթացները։ Այս մասին հայտարարել է գեներալ-մայոր Նովրուզալի Օրուջևը։
Վերջինիս խոսքերով՝ այդ դասընթացները կազմակերպվելու են այն երիտասարդների նախապատրաստման համար, ովքեր պետք է ծառայեն զինված ուժերում։ Այդ նպատակով տրամադրվելու է համապատասխան ուսումնական սպառազինություն։
Օրուջևը հավելել է, որ 2011 թվականի ապրիլից ցայսօր 350 մարդ ավարտել է դիպուկահարների համար նախատեսված դասընթացները, իսկ հաջորդ շաբաթ էլ մեկնարկելու են հետախույզների համար նախատեսված դասընթացները։
