Իտալիայի արտաքին գործերի նախարությունն այսօր հայտնել է, որ շնորհիվ արդյունավետ դիվանագիտության՝ իտալական 22 հոգանոց անձնակազմ ունեցող նավթատար նավն այսօր վերադարձվել է այն բանից հետո, երբ 10 ամիս առաջ այն գրավել էին Սոմալիի ծովահենները՝ Հնդկական օվկիանոսում:
Ինչպես հայտնում է Associated Press-ը, փետրվարի 8-ին ծովահենները գրավել էին Savina Caylyn նավը, որի անձնակազմում 5 իտալացիներ էին և 17 հնդիկներ:
Անձնակազմի անդամների ընտանիքների խնդրանքով ռազմական ոչ մի գործողություն չի իրականացվել` գերիների անվտանգությունը երաշխավորելու համար, բայց այդ տարածքում գտնվող այլ իտալական նավեր օգնել էին` նավի մասին տեղեկատվություն հայտնելով:
Արտաքին գործերի նախարարությունը տեղեկացրել է, որ արդյունավետ և կազմակերպված դիվանագիտության շնորհիվ հնարավոր է եղել վերադարձնել նավը: Նախարարությունը հայտնել է, որ վերջնական արդյունքի հնարավոր է եղել հասնել Սոմալիի իշխանությունների վրա ճնշում գործադրելով: