ՀՀ փոխվարչապետ, ՀՀ 2011թ. մարդահամարի նախապատրաստման և անցկացման համապետական հանձնաժողովի նախագահ Արմեն Գևորգյանն այսօր մասնակցել է Ազգային վիճակագրության ծառայության մարդահամարի վարչության շենքում համակարգչային նոր սրահի բացման արարողությանը:
Տարածքային կառավարման նախարարության հասարակայնության հետ կապերի բաժնից «Առաջին լրատվական»-ին տեղեկացնում են, որ բացմանը ներկա էին նաև ԱՎԾ նախագահ Ստեփան Մնացականյանը, Հայաստանում Հնդկաստանի դեսպան Աչալ Կումար Մալհոթրան:
Համակարգչային սարքավորումները տրամադրել է Հնդկաստանի կառավարությունը, տեխնիկական աջակցության ընդհանուր արժեքը 53,9 մլն դրամ է:
Փոխվարչապետը ՀՀ կառավարության անունից շնորհակալություն է հայտնել Հնդկաստանի կառավարությանը` նշելով, որ տրամադրված օժանդակությունն էական աջակցություն է մարդահամարի տվյալների մշակման փուլի համար:
Նա վստահություն է հայտնել, որ ժամանակակից տեխնիկական միջոցներով հագեցած սրահը թույլ կտա գործընթացն առավել արդյունավետ կազմակերպել: