Երեքշաբթի օրը Սիրիայում տեղի ունեցած մի շարք բախումների հետևանքով զոհվել է նվազագույնը 47 մարդ: Այս մասին հաղորդում է Reuters-ը:
Զոհվածներից 14-ը զինվորականներ են, ովքեր ծուղակի մեջ են ընկել Սիրիայի հարավում: 23 մարդ զոհվել է կառավարական զորքերի հետ բախումների ժամանակ, որոնք տեղի են ունեցել հյուսիսային շրջանում` Իդլիբում:
Սիրիայում այս տարվա մարտ ամսից մինչև հիմա շարունակվում են հակակառավարական ցույցերը, որոնց հետևանքով առաջացած բախումների ժամանակ, ըստ ՄԱԿ-ի տվյալների, զոհվել է 5000 մարդ, սակայն տեղի իշխանությունները պնդում են, որ զոհվել է 1500 մարդ, որից 1100–ն իբր իրավապահ մարմիններում աշխատողներ են:
