Թուրքմենստանի նախագահի պաշտոնի համար առաջադրվել են ևս չորս հոգի, և թեկնածուների ընդհանուր թիվը հասել է ութի: Այս մասին, РИА Новости-ի հաղորդմամբ, հայտարարել է թուրքմենական հեռուստատեսությունը:
Նախագահի պաշտոնի համար կպայքարեն Մարիյսկի շրջանի գազահանման վարչության պետ Կակագելդի Աբդիլաևը, Բաբադախայնսկի շրջանի ղեկավար Այդոգդի Կակաբաևը, «Թուրքմենգեոֆիզիկայի» վարչության ղեկավար Նիկիտա Ռեջեփովը և «Մարիազոտ» արդյունաբերական ընկերության տնօրեն Մուրատ Չարիգուլիևը:
Թեկնածուների մեջ ամենամեծ շանսն ունի երկրի գործող նախագահ Գուրբանգուլի Բերդիմուհամեդովը, ով առաջադրվել է քաղաքական կուսակցությունների և հասարակական կազմակերպությունների կողմից:
Թուրքմենստանի նախագահական ընտրությունները տեղի կունենան 2012 թ. փետրվարի 12-ին:
