Կալիֆոռնիայում 18-ամյա հանցագործին դատապարտել են 155 տարվա ազատազրկման: Երիտասարդը կրակ է բացել ֆուտբոլային երկրպագուների վրա` սպանելով մեկ մարդու և վիրավորելով ևս երկուսին: Այս մասին հաղորդում է Голос России-ն:
Թոմ Լավ Վինսոնը հանցագործությունը կատարելու պահին եղել է 16 տարեկան։ Հաշվի առնելով հանցանքի լրջությունը` նրան դատել են օրենքի ողջ խստությամբ:
Ողբերգությունը տեղի է ունեցել Լոնգ-Բիչ քաղաքի դպրոցի մարզասրահում՝ 2009 թ. հոկտեմբերի 30-ին: Հանցագործը եղել է հանցավոր խմբի անդամ և հարձակվել է հակառակորդ խմբավորման երկու անդամների վրա: Նրանք երկուսն էլ ողջ են մնացել: Սպանվել է 16-ամյա դպրոցական Մելոդի Ռոսսը, ով այդ ամենի հետ կապ չի ունեցել:
