Lenta.ru-ի փոխանցմամբ, այսօր Թուրքիայում իրականացված հերթական ձերբակալությունների ալիքի շրջանակներում ձերբակալվել է France-Presse գործակալության լուսանկարիչ Մուսթաֆա Օզերը, ինչպես նաև մի շարք այլ լրագրողներ։ Նրանք կասկածվում են քուրդ անջատողականների հետ կապեր ունենալու մեջ։
Թուրքական ոստիկանությունը մի քանի ժամ խուզարկել է լուսանկարչի տունը և առգրավել մի շարք խտասկավառակներ, հիշողության քարտեր ու փաստաթղթեր։ Ընդհանուր առմամբ, այսօր Թուրքիայի 7 քաղաքներում ձերբակալվել է 38 մարդ։
Նրանց կասկածում են «Քրդական համայնքների միության» (KCK) հետ կապեր ունենալու մեջ, որն էլ իր հերթին հանդիսանում է Թուրքիայում ահաբեկչական հռչակված ու արգելված «Քրդստանի աշխատավորական» կուսակցության (PKK) քաղաքացիական թևը։
